Page 13 - Islamic Studies 07

İSLAM ARAŞDIRMALARI JURNALI, Üçüncü il, yeddinci sayı (payız-qış / 2024) / 12

Tarixdə baş vermiş rəcətlər
Qurani-Kərimdə müxtəlif şəxslərin və ya qövmlərin rəcət etməsi
barəsində xəbərlər vermişdir. Bu məsələnin Quranda qeyd olunması
bir daha rəcətin haqq olmasını sübuta yetirir.
Rəcət Quran-Kərimdə
1) Yaxud (Ya Rəsulum! Damları çökmüş, divarları) uçulmuş bir
kəndin yanından keçən kimsənin əhvalatını bilirsən? O kimsə:
“Əcaba, Allah bu kəndi ölümündən sonra necə dirildəcək?” –
demişdi. Belə olduqda, Allah onu yüz il ölü halında saxladı, sonra
dirildərək ondan: “Nə qədər yatmısan?” – deyə soruşdu. O da: “Bir
gün, bəlkə, bir gündən daha az” – deyə cavab verdi. Allah ona:
“Bəlkə, yüz il yatmısan, yediyin yeməyə, içdiyin suya bax, hələ də
xarab olmayıb. Bir də uzunqulağına bax! Səni insanlar üçün bir ibrət
dərsi olmaqdan ötrü belə etdik. İndi (uzunqulağının) sümüklərinə
bax, gör necə onları bir-biri ilə birləşdirir, sonra da onların üzərini
ətlə örtürük?” – deyə buyurdu. O kimsəyə bunlar aydın olduqda:
“Artıq bildim ki, Allah hər şeyə qadirdir!” – dedi.1
2) (Ya Rəsulum!) Minlərlə adamın (taundan) ölüm qorxusu ilə
öz yurdlarını tərk edib getdiklərini görmədinmi? Allah onlara:
“Ölün!” – dedi və sonra da (yenidən) diriltdi. Həqiqətən, Allah
insanlara lütf edəndir, lakin insanların bir çoxu şükür etməzlər!2
Bu ayədə isə Allah-taala böyük bir toplumun ölməsindən və
yenidən dirilərək həyata qayıtmasından söhbət açır. Təbii ki,
rəcətdəki qayıdış qiyamət səhnəsində insanların qəbrlərindən
çıxaraq İlahi dərgaha olan qayıdışdan fərqlidir. Budur ki, xüsusi
insanlara aid edilmir. Əksinə bütün yaranmışlar baş verməsi
mümkün olan bir hadisədir.
3) Bildiyimiz kimi həzrət İsanın (ə) möcüzələrindən biri də
ölmüş insanları diriltmək olmuşdur. Həmçinin Qurani-Kərimdə
dəfələrlə qeyd olunmuş bu hadisəni rəcətin baş verməsinin
mümkünlüyü üçün dəlil şəklində qeyd edə bilərik:
(Ya Rəsulum!) Xatırla ki, o gün (qiyamət günü) Allah (İsaya)
belə buyuracaq: “Ya Məryəm oğlu İsa! Sənə və anana nemətimi
yadına sal. O zaman səni müqəddəs ruhla qüvvətləndirmişdim. Sən

1 Bəqərə surəsi: ayə 259
2 Bax: Bəqərə surəsi: 243